Teatri

 amphitheatre (en)  Add category

Teatri i Bylisit konsiderohet një ndër teatrot më të mëdhenj, pas atij të Apolonisë dhe Foinikes, i cili mund të akomodonte një numër prej rreth 7500 spektatorësh. Ai u ndërtua në mesin e shek. III p. Kr. dhe i përket variantit iliro - epirot, i cili karakterizohet nga analemat e drejta, parodoi (hyrje) ballore, portat monumentale dhe përdorimin e proskenës, si hapësira ku vendosej akti teatral. Teatri i Bylisit përfaqëson një tipologji të veçantë dhe më të përpunuar midis teatrove të botës antike, me ngjashmëri të theksuara me teatrin e Dodonës dhe të Sirakuzës. Dimensionet e mëdha të tij përbëjnë një dëshmi të pjesëmarrjes në shfaqjet teatrale të një numri të madh shikuesish. Teatri i Bylisit u përdor edhe në periudhën kur qyteti u shndërrua në koloni romake (periudha romake), duke pësuar një rindërtim themelor (i cili u përdor edhe për luftime me gladiatorë). Në periudhën e Antikitetit të Vonë, blloqet e gurëve të caveas (shkallares) u përdorën si bazë për ndërtimin e murit të Viktorinit.

Tabela, Janar 2022: i.imgur.com/Z5eTSs5.jpeg