Bazilika D

 basilica (en), ruins (en), archaeological site (en)

Bazilika D është tre nefëshe, me sanktuarin dhe absidën gjysmë rrethore, të përforcuar nga tre kontrafortë. Në ambientin e sanktuarit janë zbuluar gjurmë të sinthronit, të relikerit në formë kryqi dhe të dyshemesë së shtruar me pllaka mermeri me ngjyra të ndryshme. Hyrja gjendet nga perëndimi, me një propile të thjeshtë, një atrium me katër portikë dhe narteksin me dy anekse në veri dhe në jug. Bazilika ka dimensione 45,25 metra gjatësi dhe 26,15 metra gjerësi. Bazilika D shquhet për mozaikët e saj të cilësisë së mirë, ku paraqiten figura shpendësh dhe kafshësh dhe panele me mbishkrime, të cilat ruajnë emrat e dhuruesve për realizimin e saj. Ndër skenat më të bukura është ajo e Lumenjve të Parajsës të shoqëruar me emrat e tyre: Fison, Gjeon, Tigër dhe Eufrat. Bazilika D u ndërtua në fillim të shek. VI m. Kr. Pas shkatërrimeve të mesit të shekullit VI dhe lënies jashtë fortifikimit të ri realizuar nga Viktorini (gjeneral i Justinianit), portikët e saj u përdorën për banim.

Tabela, Janar 2022: i.imgur.com/VtwoZOi.jpg