ხაშურის წმინდა მარინეს ეკლესია და დედათა მონასტერი (ხაშური)

 ეკლესია (43)  Add category

ეკლესია დგას ქ.ხაშურის აღმოსავლეთ ნაწილში, მდინარე სურამულას მარცხენა სანაპიროზე. აშენებულია XVI-XVII საუკუნეში. ეკლესია დარბაზულია (10,4X6 მ), ნაგებია რიყის ქვითა და აგურით, აღმოსავლეთით ნახევარწრიული აფსიდია. მის ღერძზე აგურისთაღიანი სარკმელია, რომლის ორივე მხარეს ხუთი სწორკუთხა ნიშია (სამი ჩრდილოეთით და ორი სამხრეთით).
1997 წელს მიტროპოლიტ იობის ლოცვა-კურთხევით ეკლესიაში აღდგა წირვა-ლოცვა. წმინდა მარინეს ეკლესია დღესდღეობით ასრულებს საკათედრო ტაძრის ფუნქციას და აღესრულება ყოველდღიური მსახურება.
ამჟამად ეკლესიას პირვანდელი სახე დაკარგული აქვს. მას დასავლეთიდან მიაშენეს სამრეკლო, ჩრდილოეთიდან კი სტოა. ეკლესია შემოსილია პერანგით. პერანგის ფილები ტუფის ქვისაა. საკურთხეველიმმოხატულია.
2008 წელს ეკლესიის წინამძღვრის, მღვდელ ნიკოლოზ აბრამაშვლის ინიციატივით და მიტროპოლიტ იობის ლოცვა-კურთხევით ტ მიმდებარე ტერიტორიაზე დაიწყო მონასტრის მშენებლობა, რომელიც იმავე წლის სექტემბრის თვეში დასრულდა.
2009 წელს მონასტერს მიუმატეს 2 სართულიანი კომპლექსი. გაკეთდა გალავანი, აშენდა კოშკი, განახლდა ეკლესია, ეზოში აშენდა სასტუმრო კელიები და სასანთლე.