Kërëk xhamia - Namazgjah (Prizren)

 park (en), ruins (en), mosque (en), cultural heritage / national heritage (en), listed building / architectural heritage (en)

dtk.rks-gov.net/tkk_objekti.aspx?id=1292

Namazgjahu gjendet në anën veri-perëndimore të qytetit pranë rrugës magjistrale Prizren-Gjakovë. Fjala Namazgjah rrjedh nga fjala persiane që d.m.th. vend për falje-lutje. Pas rënies së Prizrenit nën sundimin e Perandorisë Osmane në vitin 1455, Isa Beu që ishte komandant i Fatih Sulltan Mehmedit, ndërtoi Namazgjahun, që shërbeu për kryerjen e ritualeve fetare të ushtrisë Osmane. Mjeshtri dhe mbikqyrësi kryesor ishte Ahmed Çaushi. Pas vendosjes së plotë të administrimit Osman në Prizren, Namazgjahu lihet pas dore, pasi që në atë kohë kanë filluar të ndërtohen xhamitë e zakonshme. Më vonë, pasi që lokacioni i Namazgjahut ishte në periferi të Prizrenit të atëhershëm, atë e shfrytëzonin për falje bujqit që punonin tokat e tyre. Në vitet ‘50-ta të shek. XX-të pranë Namazgjahut ndërtohet një depo e madhe me ç’rast shfrytëzohet edhe një pjesë e materialit guror të Namazgjahut. Sikurse gjatë ndërtimit të depos, ashtu edhe gjatë ndërtimit të Ambulancës që është ndërtuar gjatë viteve ’80-ta të shek. XX, janë shkatërruar varrezat e vjetra që ishin përreth Namazgjahut, kështu që tani aty kanë mbetur vetëm dy-tri sosh që tani janë shndërruar në tyrbe. Në vitin 2000 Instituti për Mbrojtje të Monumenteve të Prizrenit duke vlerësuar rëndësinë e këtij objekti, harton projektin ideor për restaurimin e Namazgjahut, i cili financohet nga Qeveria e Turqisë. Me përkrahje edhe të Komunës së Prizrenit, hartohet dhe zbatohet projekti i restaurimit të Namazgjanut dhe parkut rreth saj. Namazgjahu është ndërtuar me planimetri drejtkëndëshe nga gur të gdhendur të lidhur me llaç gëlqeror. Nëpërmjet tri shkallëve ngjitet në platenë ku gjendet një mur me lartësi rreth 1 metër, ku është paraqitur nisha që e shënjon mihrabin. Në këndin e djathtë të murit gjendet minarja me bazë katrore dhe trung gjashtë këndor, të punuar nga gur të gdhendur. Namazgjanu në popull njihet edhe si Kërëk Xhamia, që d.m.th. Xhami e Thyer. Së bashku me ambientin përreth, Namazgjahu paraqet një monument me rëndësi historike dhe pikë karakteristike për pjesën perëndimore të Prizrenit.