Споменик на 12-те Ваташки Младинци

 Втора Светска војна 1939-1945, споменик, заштитен историски објект, 1961_construction (en)

 Подигни слика

Масакрот во Ваташа е крвав настан кој се случил на 16 јуни 1943 година кога биле стрелани 12 младинци од селото Ваташа во близина на Моклиште кај месноста „Чаир“, на 12 км од Ваташа. Колежот го извршила бугарската воjска и одреди полиција, под команда на полковник Љубен Апостолов, командант на 56. Велешки пешадиски полк од Петтата бугарска армија. По потекло Апостолов бил од Крива Паланка. По тоа време од 40 до 60% од војниците во полковите на Петтата армија се локални регрутирани младинци, исто како и голем дел од полицијата, која била составена од месни кадри.

Во спомен на настанот, изградена е спомен костурница на стреланите 12 младинци од Ваташа, која е откриена на 11 октомври 1961 година. На јужниот ѕид на споменикот е запишано: „Смртта стана немоќна пред нашата младост исправена, пред очите наши загледани, уште тоа утро во иднината“. На местото на стрелањето подигнат е спомен парк со површина од 7 ha, а во него се посадени 12 јавори како симбол на стреланите младинци. За настанот испеана е народна песна: Ми заплакало селото Ваташа.

Дванаесетте млади од селото се: Перо Илов (15 г.), Ванчо Гурев (19 г.), Данко Давков (18 г.), Илија Димов (18 г.), Ристо Гондев (18 г.), Блаже Ицев (20 г.), Пане Мешков (18 г.), Герасим Матаков (18 г.), Ферчо Попѓорѓиев (26 г.), Васо Хаџиjорданов (28 г.), Диме Чекоров (20 г.) и Пане Джунов (18 г.).