Ленкорань.Боюк-Базар. Дом известного травматолога Багирова Балаги Раззаг оглу. (Ленкорань)

 индивидуальный жилой дом  Добавить категорию

 Загрузить фотографию

Bağırov Balağa Rəzzaq oğlu 1929-cu ildə Lerik rayonunun Xəlifə kəndində sənətkar ailəsində anadan olmuşdur. Orta təhsilini Lənkəran şəhərində almış və məktəbi əla qiymətlərlə qurtardığı 1946-cı ildə Azərbaycan Tibb İnstitutunun müalicə-profilaktika fakültəsinə daxil olmuşdur. İnstitutu 1952-ci ildə fərqlənmə diplomu ilə bitirmişdir. İnstitutu qurtardıqdan sonra institutun nəzəri kafedralarından birində qalmaq təklifini qəbul etməyərək, bütün çətinliklərə baxmayaraq Lerik rayon xəstəxanasının cərrahı şöbəsinin müdiri kimi həkimlik fəaliyyətinə başlamışdır, özü də Lerikin ilk həkim-cərrahı kimi. Elə ilk günlərdən başlayaraq bir sıra cərrahi əməliyyatları aparmaqla yanaşı, o dövr üçün rayon şəraitində çox aktual olan malyariya, traxoma, qızılca, göy öskürək, vərəm və digər infeksion xəstəliklərlə mübarizə işinin təşkili və aparılmasında çox aktiv iştirak etmiş və elə bu təşkilatçılıq qabiliyyətini nəzərə alaraq, 1954-cü ilin mart ayında Səhiyyə Nazirliyinin əmri ilə Bağırov B.R. Lerik rayon Səhiyyə şöbəsinin müdiri vəzifəsinə təyin edilir.
Bundan sonra keçilməz yollarla ayrılan rayonun 156 yaşayış məntəqəsinin əhalisinə tibbi xidmətin təşkili, həkim məntəqələrinin açılması, köhnələrinin və rayon xəstəxanasının təmiri, yeni çarpayıların açılması, maddi-texniki bazası, kadrların hazırlanması, infeksion xəstəliklərin ləğv edilməsi sahəsində, o, öz gözəl cərrahlığı ilə yanaşı səhiyyə təşkilatçılığı qabiliyyətini də parlaq surətdə göstərmişdir. Elə bu fəaliyyətinə görə də „SSRİ Səhiyyə Əlaçısı" və „Əməkdə fərqlənməyə görə" döş nişanı ilə təltif edilmişdir.
Elmə marağı onu 1964-cü ildə Respublika Elmi-Tədqiqat Travmatologiya və Ortopediya İnstitutun aspiranturasına daxil olmağa səbəb olur. 1968-ci ildə namizədlik dissertasiyasını müvəffəqiyyətlə müdafiə edərək „Tibb elmləri namizədi" alimlik dərəcəsi alır. 1969-1981-ci illərdə institutun baş həkimi, 1991-i ildən hal-hazıra kimi baş həkimin müalicə işləri üzrə müavini vəzifəsində çalışır. Bu dövr ərzində bir çox beynəlxalq və ölkəmizdə keçirilən konfransların iştirakçısı olub. 120-dən artıq elmi məqaləsi müxtəlif elmi jurnallarda çap edilib.
Dörd bədii-publistik kitabın müəllifidir:
1. Hər kəs yüz il yaşamasa...", Bakı, 1999.
2. „Allah evinə ziyarət və tanınmış din xadimləri", Bakı, 2001.
3. „Şairlərin ürək yanğısı", Bakı, 2003.
4. „Həzrəti Əli İbn Əbi Talibin (Ə) həyatı", Bakı, 2005. „Respublikanın əməkdar həkimi", „SSRİ səhiyyə əlaçısı", „Əmək
veteranı", „Əməkdə fərqlənməyə görə" və digər medallar, çoxlu fəxri fərmanlar və digər mükafatlarla mükafatlandırılmışdır.
1994-cü ildə müqəddəs Həcc və Məşhəd ziyarətlərində olmuşdur


Alim-həkim Haci Balağa Bağırov 28 mart 2012 ildə 83 yaşında vəfat etmişdir.