Манастир Партениј Зографски (Стар Дојран)

 женски манастир, Македонска Православна Црква - Охридска Архиепископија

 Подигни слика

Женски манастир.
Во почетокот на 2001 година од манастирот во Велјуса, тука, во Стар Дојран, дојдоа првите две монахињи. Во близина на некогашната (денес непостоечка) епископска резиденција на Партениј Зографски, сега постои манастирскиот комплекс посветен на неговиот спомен. Старешина на манастирот е сестра Февронија. Сестринството е мало и типикот на манастирот е од затворен карактер. Тоа значи дека посетителите можат да го посетат манастирот на Света Марија Магдалена во чијшто склоп е новоизградената црква посветена на Руските новомаченици – царското семејство Романови (една генерација пред тоа учител на царското семејство бил Партениј Зографски), додека конаците и малата црквичка посветена на Св. Максим Исповедник и на Св. Григориј Палама спаѓаат во монашкиот затворен простор. На тој начин, во едно туристичко место какво што е Стар Дојран, меѓу викенд-куќите и гласните посетители, монахињите успеваат да го сочуваат монашкиот мир, неопходен за животот во еден исихастирион како што е овој.
Иконописот и плетењето бројанички, како и изработката на мали и уникатни монашки ракоделија е главното послушание меѓу часовите за молитвено тихување и богослужбите. Со возобновувањето на евхаристискиот живот во манастирскиот комплекс на Свети Партениј Зографски во Стар Дојран се врати водата во езерото и животот во гратчето.
www.mpc.org.mk/mpc/se/dojran.asp

Црква Света мироносица Марија Магдалена.
Св. Марија Магдалена претставува главната манастирска црква во манастирскиот комплекс Партениј Зографски во Стар Дојран. Таа претставува една од трите цркви во манастирот.
mk.wikipedia.org/wiki/%D0%A6%D1%80%D0%BA%D0%B2%D0%B0_%E...

Црква Св. Царско Семејство Романови.
Свето Царско Семејство Романови претставува православна манастирска црква во манастирскиот комплекс Партениј Зографски во Стар Дојран. Таа претставува една од трите цркви во манастирот.
mk.wikipedia.org/wiki/%D0%A6%D1%80%D0%BA%D0%B2%D0%B0_%E...

Црква Св. Максим Исповедник и Св. Григориј Палама.
Св. Максим Исповедник и Св. Григориј Палама претставува православна манастирска црква во манастирскиот комплекс Партениј Зографски во Стар Дојран. Таа претставува една од трите цркви во манастирот[1] и зе наоѓа во затворениот дел на манастирот.
mk.wikipedia.org/wiki/%D0%A6%D1%80%D0%BA%D0%B2%D0%B0_%E...