Ранжирна станица Трубарево

 железничка станица, marshalling yard (en)

1 ноември 1973 од ранжирната станица Трубарево тргна првиот електричен воз во Македонија. Ранжирната станица Трубарево работи веќе 40 години.
Истата се состои од два дела - приемна група и ранжирноотпремна група.
Приемната група е западно.
Помеѓу приемната група и ранжирноотпремната група е централната поставница
(срцето на станицата) од каде се управува со трите шински кочници
за распределба на вагоните во три снопа по осум колосеци во ранжирноотпремната група.
Предвидена е и четврта шинска кочница со сноп од осум колосеци,
но до сега таа не била потребна.
Работата во станицата се намалува поради намалениот превоз,
а и поради променетата организација на ранжирните реони во регионот.
На северната страна се локомотивското депо и колската работилница,
а североисточно се сервисните колосеци
на кои се врши чистење и подготовка на вагоните.
На југоисточната страна е зградата за телекоманда на сообраќајот
(каде се врши управување со возовите по коридорот 10)
и далечинско управување со електроенергетските постројки по коридорот 10.
На јужната страна се колосеците од транзитната група.
Тука доаѓаат возовите кои не е потребно да се ранжираат.
Ранжирните станици се многу важни за товарниот сообраќај
и затоа нивната структура зависи од потребите на товарниот сообраќај.