Катерина

 град, главниот град на покраината / регион

Катерина или Катерини (грчки: Κατερίνη, порано познат како Екатерини (грчки: Αικατερίνη), е град во Централна Македонија во Грција, главниот град на префектурата Пиерија. Се наоѓа во пиериската низина, помеѓу Олимп и Солунскиот Залив, на надморска височина од 14 m. Градот, кој е еден од најновите во Грција, има 56.576 жители (според пописот од 2001). Се наоѓа близу градот Солун, вториот најголем град во Грција, кој придонел многу во развојот на Катерина во послените неколку години. До Катерина се стигнува преку главниот автопат Солун-Атина GR-1/E-75 (со две клучки близу градот) и Егнатија Одос на север. До градот водат линии на локалните возови како и на интерсити од главната линија од Атина до Солун, додека пак присутна е и значајна регионална и државна автобуска мрежа со филијала во градот.

Катерина е блиску до морето (6 км) и неколку археолошки наоѓалишта кои привлекуваат многу туристи како античкиот град Дион (5 век п.н.е., оддалечен 17 км) и венецијанскиот замок во Платамонас. Подножјето на Олимп и градчето Литохоро се наоѓаат на околу 20 км од центарот на Катерина.

Име
Името на градот потекнува од Катерина од Александрија, грчка православна маченичка која живеела во 4 век. Бил ослободен од Отоманците на 16 октомври, 1912. За време на нацистичкиот режим бил окупиран од германската армија на 14 април, 1941 и бил ослободен три дена подоцна. Катерина се споменува во песната на Микис Теодоракис το τρένο φεύγει στις οκτώ (македонски: возот заминува во осум), чиј текст е напишан од поетот Манос Елефтериу. Оваа песна е популарна и ден денес.

Фудбал
Катерина е дом на два фудбалски тима; Пиерикос, фудбалски клуб кој моментално игра во втората лига. Другиот е Етникос Катерини.