Трэнчын

 горад  Дадаць катэгорыю

Трэ́нчын (славацк.: Trenčín, венг. Trencsén) — прамысловы горад ў заходняй Славакіі. Размешчаны за 10 км ад чэшскай мяжы, на рацэ Ваг, на месцы рымскага легіёну Лаўгарыцыё. Горад з'яўляецца цэнтрам Трэнчынскага края (4501 км²). Насельніцтва складае 58 тыс. чалавек.

Гісторыя

Летапісы ўпершыню згадваюць Трэнчын у 1111 годзе, як замак. Галоўная вежа замка паходзіць з XI ст. У 1275 годзе Трэнчын пераходзіць да ўплывовага венгерскага феадала Пятра Чака. У перыяд з 1302 па 1321 год замак служыў стальцом ягонаму сыну — Матушу Чаку (славацк.: Matúš Čák, венг. Máté Csák), магутнаму кіраўніку, які кантраліраваў землі Славакіі ў вайсковым і палітычным адносінах.

У 1412 годзе Трэнчын атрымаў права вольнага каралеўскага горада. У 1790 горад і замак згарэлі ў вялікім пажары. З другой паловы XIX ст. Трэнчын становіцца буйным прамысловым горадам у рэгіёне сярэдняга цячэння ракі Ваг.

Выдатныя мясціны
Трэнчынскі замак
Касцёл св. Марыі
Касцёл св. Францыска
Капліца св. Міхаіла
Лютэранская кірха
Сінагога
Ратуша
Дом ка́та

Вядомыя асобы
Данка Бартэкава