Ранохристијанска гробница (Скопје)

 гробница, антички

 Подигни слика

Гробницата е со димензии отприлика два на три метра и височина речиси два метра. Изградена е од тули поврзани со цврст малтер. Внатрешноста е малтерисана и се претпоставува дека може да има живопис на ѕидовите. Се наоѓа во извонредно зачувана состојба. Во гробницата во десниот јужен агол се наѕираат гробни прилози, најверојатно керамички садови, а на источниот ѕид има ниша за која треба да се утврди дали се работи за влез во гробницата преку кој е вршено погребувањето.
Со рекогносцирање на околниот терен се забележува дека ова не е осамена гробница и дека на истиот терен има уште слични гробници.
Според начинот на погребувањето и според типот на гробницата, покојниците припаѓале на повисокиот и побогатиот слој на римското општество. Не е исклучена можноста на јужната страна од локалитетот да се наоѓа и некој ранохристијански храм.
Според локалното население, ова е свето место. Тука се наоѓа еден стар камен крст околу кој секој Велигден се одржува процесија.
Ова е значајно археолошко отркритие затоа што е една од најдобро сочуваните гробници од овој тип на територијата на Република Македонија.