ოში

 ქალაქი, დედაქალაქის სახელმწიფო / პროვინცია / რეგიონი

ოში (ყირგ. Ош) – ყირგიზეთის მეორე უდიდესი ქალაქი, მდებარეობს ფერგანის ხეობის სამხრეთ ნაწილში და მას ხშირად უწოდებენ "სამხრეთის დედაქალაქს". ოში პირველად მოიხსენიება IX საუკუნედან. ამ ტერიტორიაზე ხშირად ხდება ეროვნებათშორის დაპირისპირებები, მათგან ყველაზე მასშტაბური და სისხლისმღვრელი იყო 1990 და 2010 წლების არეულობები, 2010 წლის არეულობაში მონაწილე დაჯგუფებებმა მნიშვნელოვანი ზიანი მოუტანეს ამ დასახლებულ პუნქტს, მათ მრავალი შენობა გაანადგურეს და გადაწვეს[3]

ოში 1939 წლიდან არის ოშის ოლქის ადმინისტრაციული ცენტრი. აქ ცხოვრობს დაახლოებით 243,200 კაცი (2009 წლის მონაცემებით), ქალაქის მოსახლეობა საკმაოდ მრავალფეროვანია, ცხოვრობენ ყირგიზები, უზბეკები, რუსები, ტაჯიკები და სხვა მცირე ეთნიკური ჯგუფების წარმომადგენლები.