Општа болница (Охрид)

 болница  Додај категорија

 Подигни слика

Тел: 267-267

Носител на секундарната здравствена заштита во охридско е ЈЗО Општа болница - Охрид.
Оваа здравствена институција обезбедува и извршува комплетна здравствена заштита на населението од општината - Охрид, општината Дебарца, како и на граѓани што престојуваат во Охрид или на крајбрежјето на Охридското Езеро за време на туристичката сезона. Општата болница извршува услуги од специјалистичко-консултативната и болничката здравствена заштита.
Во специјалистичко-консултативната дејност се врши: испитување и утврдување на заболувањата, повредите и здравствената состојба на корисниците, спроведува специјализирани, дијагностички, терапевтски и рехабилитациски и постапки и дава специјалистички мислења и предлози, систематски прегледи, прегледи за возачи и други работи.
Во болничката здравствена заштита се врши дијагностицирање, лекување, исхрана и постојан специјалистички надзор, примање и згрижување на итни медицински случаи, вршење секундарен транспорт на пациенти, обезбедување конзилијарно-медицинска помош, учествува во спроведувањето на посебни програми за спречување и рано откривање на заболувањата и повредите, предлага и дава упатства за домашно лекување, обезбедување здравствено воспитување на лицата на кои им се обезбедува здравствена заштита, обезбедува стручна помош на другите здравствени установи и обезбедува стручно усовршување на здравствените работници.
За остварување на претходните цели, работата во ЈЗО "Општа болница" се организира во организациски единици кои претставуваат организациско- техничка целина во процесот на работата, и тоа:
А) Болнички одделенија:
1. Педијатрија;
2. Хируршки заболувања;
3. Урологија;
4. Анестезија, интензивна терапија и реанимација;
5. Здравствена заштита на жената со неонатологија;
6. Уво, нос и грло;
7. Внатрешни заболувања;
8. Невропсихијатриски заболувања;
9. Инфективни заболувања;
10. Депо на лекови со Инфузивно одделение и галенска лабораторија.
Б) Специјалистичко-консултативни дејности:
1. Очни заболувања;
2. Радиологија;
3. Физијатрија;
4. Медицинска биохемија;
5. Трансфузиологија;
6. Кожно венерични заболувања;
7. Патоанатомија;
8. Антитуберколозен диспанзер (АТД).
В. Административно - техничка стручна служба:
1. Општа правна служба;
2. Економско - финансиска служба;
3. Техничка служба.
Во ЈЗО "Општа болница" по потреба се организираат помали организациски делови и тоа: одделенија, служби, отсеци, оддели, диспанзери, кабинети и др.
(Извор: www.ohrid.gov.mk/index.asp?novostiID=126)