Odeoni

 theatre (en)  Add category

U zbulua prej Léon Rey-t në vitin 1932, por gërmimi i plotë i monumentit përfundoi në 1978; më pas u kryen punime restauruese (1984-1987) nën drejtimin e G. Panit dhe L. Papajanit. Planimetria e veçantë lidhet me ekzistencën e çatisë. Kjo mbulesë, ekzistenca e murit të estradës (që sot nuk ruhet), suvatimet e murit të skenës dhe shkallaret janë elemente që tregojnë një odeon, d.m.th. një teatër i vogël i mbuluar. Kapaciteti i odeonit llogaritet në 650 spektatorë.
Ndërkaq një hipotezë tjetër (Ch. Picard, 1955) sheh në këtë vend një teatër të vogël mistik që lidhet me kultin e Dea Syria-s. Kjo ndërtesë e mbuluar përdorej gjithashtu për mbledhje publike. Madje aty mund të jepeshin edhe mësime, po të kihet parasysh se në kohën kur jetoi aty perandori i parë romak Oktaviani, Apolonia ishte një qendër e rëndësishme shkollimi.
Tabela, Maj 2022: i.imgur.com/UivqwGj.jpg