Врв Тумба - 1881 м

 врв  Додај категорија

Тумба е врв на планината Беласица во југоисточна Македонија и изнесува 1881 м н.в. На врвот се наоѓа тромеѓата меѓу Македонија, Бугарија и Грција, односно Вардарска, Пиринска и Егејска Македонија.
До планината Беласица се пристигнува од Струмица до село Смолари (28 км). Блиску до селото е најголемиот „Смоларски водопад“ во Македонија. Маркацијата започнува од село Смолари во чија близина се наоѓа познатиот „Смоларски водопад“. На почетокот на селото се оди по широк пат, после 15 минути пешачење се напушта широкиот пат, и се влегува во шума се до планинарски дом Шарена Чешма (потребни се 2 и пол часа до Шарена Чешма). До врвот ви се потребени 2 и пол часа од планинарски дом Шарена Чешма до врвот Тумба (1881 м н.в.).
Бидејќи овој врв се наоѓа на самата македонско-бугарска и македонско-грчка граница, потребно е претходно да се извади дозвола за движење по граница. Дозволата се вади во местото на живеење. Патеката е маркирана, а домот Шарена Чешма работи по потреба, со претходно најавување во планинарско друштво „Ентузијаст“ од Струмица. Од 2001 година секоја година во месец август се организира меѓународен планинарски поход за искачување на врвот под наслов "Балкан без граници".


www.youtube.com/watch?v=nHqN7lDtLXA