Waduk Gajah Mungkur

 telaga, reservoir (en), dam (en)

Waduk Gajah Mungkur meniko satungalipun waduk ingkang kabendung wonten kirang langkung 3 km sakidulipun Kutha Kabupaten Wonogiri, Provinsi Jawa Tengah. Gunging toya waduk damelan puniko sangking ambendung lepen Bengawan Solo. Wiwit dibangun ing pungkasan tahun 1970-an lan wiwit kaginakaken ing tahun 1978. Waduk kanthi wilayah wiyaripun kirang langkung 8800 ha ing 7 kecamatan puniko saget ngoncori sawah wiyaripun 23600 ha ing tlatah Sukoharjo, Klaten, Karanganyar dan Sragen. Salintunipun kagem nyadong toya nginum Kutha Wonogiri ugi ngasilaken listrik saking PLTA sagunging 12,4 MegaWatt. Kagem ambangun waduk puniko pamrentah mbudalaken penduduk ingkang kagusur gunging toya waduk kanthi transmigrasi bedol desa dumateng Sitiung, wilayah Provinsi Sumatera Barat.