ألا ليت الزمن يرجع ورى
وإلا الليالي تدور
ويرجع وقتنا الأول
وننعم في بساطتنا
زمان أول أحس إنه
زمان فيه صدق شعور
نحب ونخلص النيه
وتجمعنا محبتنا
زمن مافيه لاغيبه
ولاحتى نفاق وزور
ياليته بس لو يرجع
ونسترجع طفولتنا
صغار وقلوبنا بيضا
نعيش بعالم محصور
ولانعرف أبد أغراب
ماغير عيال حارتنا
ولكن دارت الأيام
وبان الخافي والمستور
وصار الهم متعلق
على قمة سعادتنا
كبرنا وصارت الدنيا
تصف احزاننا بالدور
وتهادينا الألم والهم
غصب عن عين رغبتنا
تعبنا من بلاوينا
أحد ضايق وأحد مقهور
وكلن غارق بهمه
وبالآخر تشتتنـــــــــا
وأنا ماقول غير إنه
الاليت الزمان يدور
ويرجع للورى فتره
نعدل وضع عيشتنا
place comments:
