حميد وسمير الزردي جينا نبيعو الكاسكروط ودرنا فايت ههههههههه اللهلا يجيب يوم كيما هاداك

والله وحد النهار انا وسمير الزردي وشادلي رحنا فالليل انا وسمير الزردي جا معانا الرخصة وشادلي وقيلا وجمال ثاني .....جبنا فيها وقيلا وحد الميات تبانا خبز..ايا وشرينا الكشير بالكريدي...هههههههه بايتين نخدمو فيه.. غدوة من داك جا عمي احمد كينا رحنا معاه خالصة من عند عمي الميلود..ههههه.....ايا مبعد رحنا لسطاد هذا دينا الكاسكروت خير ربي...قلنا اليوم والله فيها تشيبا قادرة..لحقنا تما قالك الي جايب سلعة معاه بالتيكي وما يدخلش ههههههه احنا لا تيكي لا والو رايحين عى الله ....مبعد صحاب الكاسكروت واحد ما دخلش ....الي داخل ستاد ماتو بالجوع والي برا ما باعو والو.... هههههه بعنا الف فراك للكاسكروط خمس ميا عندك معندكش الله يسمح .........مبعد ولينا نحلو فالغاشي باطل باطل واحد ما حب يدي باسكو الي برا كامل يبيعو ...ههههههههه خليناه وجينا....جبنا صاك اودو بعنا منو شوي فالكار.. بعنالهم غالي شوي الفين برك هههههه بصح الي يسقسينا نقولولو الجيب معمر......والله يوم ميتنساش...درنا حساب وطلع فوت.....هادي هي الدنيا كل شيء يفوت تبقى الذكريات برك