De Speckpokal.
1991 Upesnappet un upeschrem von Friedrich-Karl Becker
Peter K. was innen Schützenveran innetreen. Naan Preisschaten upet Swein, wörre en paar Wochen weier, dä Speckpokal uteschoten, dat was immer so mitte Fewerwar. Et gaff ock wat te eten, Handkäs mit museike, dat was en Smaltbrot, da kam Speck up un Handkäs, dä durch was, vone Käsereie Steinmann ut Bettmar, un darup kam noch dicke Zipollenscheib´m. Peter was utèr Stadt in use Dorp e`trecket un son deftigt Frahstücke- naja wat de Bur nich kennt --aber in Gesellschaft da smscket et ne doch. Wei sünd so stücker foftein Luie e´west, de alle up düsen Pokal e´schoten hät. Un Peter was dä beste, ja schaten konn´e, un gewann den Pokal. Na dem se em alle gratuleiert harrn, un dat mit Snaps un Bier utgeibich begooten was, macke sick Peter uppen Wech na Huse. for sein ersten Pokal harre sick Peter schon en schön Platz innen Stubenschrank hinder de Glasdöör utedacht, damidde deene ohk immer saahn konne. Peter öwe fleidich jeden Dönnerda dat schaten un drinke sein Glas Bier in geselliger Runde. Nah so veer Weecken nahn schaten up den Speckpokal, da sächt Peter daté wat erlevt harre ,wat´e üsch vertelln mößte. "Wenne in seine Wohnunge ekom´m is, da ruke dat so eigenartich als wenn wat gammelle, da isse mit seiner Frue up seuke e´gahn. inne Köcke, Kinerzimmer, Slapstuive alle Schränke un Schappe u´teruimt un wär inneruimt, inne Wohnstuve ohk un nüst e´funn. Erst alls de Junge im anahmte Smacht krege un en Käsebrot wolle, da lope et peter haat obern Rüjen, de Käse, de Pokal, ha herre doch den Käse deene bein Speckpokaleeten nich´egetten harre in Pokal e´dan, un da was´e noch inne. Ha namm den Pokal uten Schranke, den Deckel runder da sach´e de Bescherunge, de lütchen Mäckens krupen´e entgegen. Dä Lacher harre up seiner Seite, oppet Schadenfreude was ,wer waat? Jedenfalls was de Wohnunge mal utder Reihe uperuimt un avestöft worrn, un glänze wei nei.
1093 De Büsche.
Hans P. un Bernd war´n miten Fahrrah nahn Schützenhuse e´komn,
um sick en betten ta underholn, un dabei´e en lütchet betten wat ta drinken. Hans sein´ Wein un Bernd sein Glas Bier. Alls se umme Klocke twölwe mit öhre Fahrröhr na huse fahrn sind, sind sei ohk schön an-er rechten Seite fahrn. Nun kamm Henning mit´en Auto van hinne. Henning vertelle: " de Radfahrers sind up einmal verswun´e west".
Als e´aneholn harre un nahkeken harre wo de beiden e´blem sind, laggen se baade ane Seite mank de Fahröhr in de Büsche. Als ha frächt ob se sik wath e`dan härren.Segen se: " Nä, wei wollen blos Platz maken for dat Auto, wat von hinne kamm ! "
Kommentare:
