منزل المــرحــوم/ بتــا ل مـــحــــمـــد الجــدعـــــــي

بتـال سميتـك عـلا ابــوي بـتـال عودن دفـن يابـوك حـدر النصايـب

عودن له التاريـخ سجـل لـه افعـال من نسل اسـود بالمواقـف مصايـب

اللي مواقفهـم مـع العشـر الابطـال يذكرهـم التاريـخ وقـت النشـايـب

يوم الجنـازه جـاك بالخيـل زرفـال ينخى بنـي عمـه بوقـت الحرايـب

شبت شبوب الحـرب لاحـد الازوال وفازو بها المطـران ماهـي غرايـب

فـي فعلهـم تشهدلهـم كـل الاجيـال ويشهد على ربعـي شبابـن وشايـب

وحافـو ذلولـن للعتيـبـي ونـشـال واقفوبهـا فرحيـن وقـت الكسـايـب

ودار الزمـان وعـودو مثـل البطـال يبغون مثل اللي حصل مـن غصايـب

لقوه يشعـى النـار والجـرم شعـال يرثي على اللـي ماتجـي بالطلايـب

وردو ذلول العود مـن بعـد الامثـال هـذا الكـرم يابـوك كلـه وهـايـب

وجار ( ) حيـف يـوم الدهـر مـال حيـف ( ) اللـي تجيـلـه كتـايـب

ينخى ( ) الضياغم قال تكفون يارجـال الجدعـي يابـن ( ) ماهـو بتـايـب

اقفابهـا بالليـل مـع نايـف الـجـال واقفـا مـع الجيـان وقـت النهايـب

وصارت مثل بالقول من عرض من قال هـذا شـرف ماهـو الياقيـل خايـب

غير العلوم اللـي يجينـا لهـا اشكـال جـلال ولـد الفـرم رجلـه عطايـب

معهم ترى جدك كمـا سهيـل مـازال يوم حدعش فـارس غدولـه عقايـب

ااقفـا مـع الجيـان يشكيلهـا الحـال من ضرب حمرا مطير يـوم اللهايـب

وابو احليق اللـي قعـد مالـه جـدال سبت رحوله شـاف مـوت الغلايـب

شاله ولد حمدان من عرض من شـال نصاه لغـلا النـاس واغـلا القرايـب

شاله على المهره مع الصلـب وجبـال متعرضيـن الصلـب فـوق النجايـب

هذا فعـل يابـوك وافيـن الاخصـال ويشهدلهم يابـوك مـن كـان صايـب

جدك مـع الطـولات يرجـح بمكيـال اسمـه لنـا لوكـان حـدر الترايـب

جدك اليامن قول قولـن تـرى طـال نرفعلـه البيضـا بعـال الهضـايـب

يالله عسـى قبـره لـه السيـل همـال ويسقي ثرا قبـره مـزون السحايـب

لعـل وال العـرش يجزيـه بعـمـال ويغفر لعـودن مـات موتـه سبايـب

هاذي تـرى الدنيـا نزولـن ورحـال لابـد ماتـاكـل شبـابـن وشـايـب

الله يرحمه ويرحم اموات المسلمين