Суздаль

 горад, сусветная спадына ЮНЕСКО, Залатое кальцо Расіі, object of cultural heritage of federal importance (Russia) (en), раённы цэнтр

СУЗДАЛЬ, горад (з 1778) у Расіі, адміністрацыйны цэнтр Суздальскага раёна Уладзімірскай вобласці. Насельніцтва 11,0 тыс. чалавек (2005). Размешчаны на рацэ Каменка, прытоке ракі Нерлі ў 26 км на поўнач ад Уладзіміра.

Суздаль — горад-запаведнік, уваходзіць у Залатое кольца Расіі, ва Уладзіміра-Суздальскі гісторыка-мастацкі і архітэктурны музей-запаведнік.

Аснову эканамічнай актыўнасці ў горадзе складаюць галіны, арыентаваныя на прыём і абслугоўванне турыстаў: гасцінічны бізнэс, грамадскае жыўленне і т. п. У горадзе маюцца наступныя прамысловыя прадпрыемствы: швейная фабрыка, прадпрыемствы харчовай прамысловасці, па вытворчасці тавараў культурна-бытавога і гаспадарчага прызначэння. Моцна развіта агародніцтва.

Вялікая колькасць архітэктурных помнікаў: Суздальскі Крэмль, манастыры (Спаса-Еўфіміеў, Пакроўскі, Аляксандраўскі, Рызапалажэнскі, Васільеўскі), Ансамбль гандлёвай плошчы, помнікі пасаду і шмат іншых, уключаючы помнікі драўлянага дойлідства. Каля 30 цэркваў.