Yth. dr. Reffma Dewi
Assalamualaikum.WW
Buliah batanyo ciek, apokoh dokter anak Ibuk Ros guru ambo nan pernah maaja di ST Magek sangkek ambo sikola di sinan dulu dari tahun 1967-1969. Kalau iyo, salam bakeh murik baliau ambo Zulfirman (55+ thn)kapado Ibuk Ros guru ambo nan ta cinto, barakat ilmu Bahaso Indonesia jo Bahaso Inggris nan baliau agiah kan lah ambo ko dapek mancari sasuok pagi, sasuok patang untuak anak keluarga ambo. Dari itu ambo salalu ba doa kapado Allah.SWT samoga Ibuk Ros, Ibuk Asma, Pak Syahruddin, Pak Rusdi, Pak Murni, Pak Chaizar, Pak Masri dan guru ambo nan lain salalu lah mandapek Rahmat Allah SWT satiok saat handaknyo Addun Ya wal Akhirah. Amiiin Yarabbal'alamiiin.
Semoga Ibuk Ros dapeklah ma maaf kan anak murik Ibuk ko Addun Ya wal Akhirah, dan Ibuk maaf kan lah saluruah bakeh murik Ibuk nan kini ko kami alah gaek-gaek pulo, antah ka siang, antah ka beko, Buk. Salanjuiknyo ateh namo saluruah bakeh murik Ibuk, kami mangucapkan tarimo kasih banyak Buk, dek karano ilmu nan Ibuk agiahan lah kami dapek mambalanjoi keluarga Buk Ros.
Sakitu dulu kaba dari ambo bakeh murik Buk Ros, semoga Ibuk indak lupo jo ambo nan buruak laku wakatu sikola dulu, bahkan ambo nan mambuek Buk Ros harus ba panjang leba mangecek di muko kelas.
Toloang bana dr. Reffma Dewi sampaikan kaba ambo ko ka Ibuk guru ambo nan jauh di mato tapi dakek di hati ambo ko. Talabiah dahulu ambo mangucapkan tarimo kasih.
Wassalam.WW
zulfirman
kubu, gatah, magek
tamatan ST Magek 1969
zulfirman@gmail.com
0811 988 785
tanah kusir, jakarta selatan.
|
place comments:
