भगिनी निवेदिता सहकारी बँक (पुणे)

 बँक  गट निवडा

 Upload a photo

‘महिलांनी सर्वासाठी सुरू केलेली पहिली बँक’ म्हणून लौकिक असलेल्या भगिनी निवेदिता सहकारी बँकेचे स्ववास्तूत मुख्य कार्यालय सुरू करण्याचे स्वप्न पूर्ण झाले आहे. बँकचे मुख्य कार्यालय रविवारी (२९ जानेवारी) प्रभात रस्त्यावरील स्ववास्तूत सुरू होत असून महिलांनी महिला कर्मचाऱ्यांच्या मदतीने चव्वेचाळीस वर्षांपूर्वी सुरू केलेल्या या बँकेने बँकिंग क्षेत्रात आजवर लक्षणीय कामगिरी केली आहे. बँकिंग क्षेत्रातील अनेक प्रतिष्ठेचे पुरस्कारही बँकेला मिळाले आहेत.
पुणे शहर व परिसरात १८ शाखा, तेराशे कोटींच्यावर ठेवी, पन्नास हजार सभासद, दीडशे कोटींच्यावर स्वनिधी, पंधरा टक्के लाभांश, सातत्याने लेखापरीक्षणाचा अ वर्ग अशी बँकेची सद्यस्थिती असून बँकेत सुरक्षारक्षक वगळता उर्वरित सर्व कामे महिला करतात. बँकेत दोनशे ऐंशी महिला कर्मचारी आहेत. बँकेच्या नऊ शाखा स्ववास्तूत असून आता मुख्य कार्यालय प्रभात रस्त्यावरील गल्ली क्रमांक आठ येथे निवेदिता भवन येथे सुरू होत आहे. स्थापनेपासून बँकेच्या संचालक मंडळावर महिला काम करत आहेत.